U okviru „Dana evropskog filma“ sjutra će u sali Centra za kulturu u Petnjici biti prikazan hrvatski film “ZG 80”, sa početkom u 19h.
Film govori o događaju krajem 1980-ih kada grupa navijača Dinama i Hajduka kreće na put do Beograda na utakmicu Crvene zvezde i Dinama. Nakon utakmice dolazi do navijačkih obračuna, a na beogradskim ulicama nastaje pravi rat. Najveća drama za Dinamove navijače bit će kako se probiti do voza koji će ih vratiti u Zagreb.
Film je sniman prema scenariju Ive Balenovića scenariste Metastaza i Roberta Cukine koji je u scenarij uveo elemente stvarnih događaja i likova iz perioda kada je nastajala navijačka skupina Bad Blue Boys.
ALDIJANA NOVALIĆ
