Nakon Skoplja, Bijelog Polja , Novog Pazara i Berana članovi KUD-a “ Bihor “ su zablistali i na festivalima u Albaniji i Kosovu .
Mlađa postava KUD „Bihor“ imala je nezaboravno prvo putovanje u Albaniju, gdje su predstavili Crnu Goru i naš ansambl na dva velika festivala, ali su istovremeno i upoznali bogatu kulturu i istoriju ovog regiona.
Prvi nastup bio je 21. i 22. maja na festivalu „Play Games & Dance“ u Draču a 23 u Kurbinu koji se tradicionalno održava već 28. put. Naši mladi članovi osvojili su sjajno 3. mjesto na festivalu u Draču, a već 23. maja, na istom festivalu u Kurbinu, ponijeli su nagradu za najbolji folklor! 💃🏆 Iako još mali, pokazali su koliko su veliki svojim talentom i energijom, čineći nas izuzetno ponosnim.
Narednih dana, put ih je odveo na Kosovo, gdje su sa ponosom predstavljali Crnu Goru na dva značajna međunarodna festivala.
Tako su 25. maja na XI Festivalu Damastion Folk u Kišnici osvojili 3. mjesto, oduševivši publiku autentičnim izvođenjem i svojom tradicionalnom narodnom nošnjom odigravši “Ličinsko kolo” 🥉
Samo dan kasnije, 26. maja, na XXIII Festivalu Rainbow of Pristina ostvarili su još veći uspjeh osvojivši 2. mjesto — značajan napredak u odnosu na prošlu godinu kada su na istom festivalu zauzeli 3. mjesto. 🥈
Ovi rezultati su potvrda kontinuiranog rada, truda i predanosti svih članova i rukovodstva ansambla.
Pored nastupa, članovi KUD-a „Bihor“ iskoristili su priliku da obiđu najvažnije kulturne znamenitosti ovih gradova.
U Draču su posjetili poznatu Venecijansku kulu (Venetian Tower), jedan od simbola grada, zatim stari rimokatolički amfiteatar koji je među najimpresivnijim građevinama tog tipa u regionu, kao i šarmantnu rivu uz Jadransko more. Ove znamenitosti ostavile su snažan utisak na naše mlade folkloraše i dodatno ih inspirisale.
U Prištini su obišli pećinu Gadime , jedinstvenu prirodnu atrakciju sa prelijepim stalaktitima i stalagmitima.
Iz KUD-a se zahvaljuju organizatorima festivala u Albaniji Arijanu Plaki,Mari Nikoli i Eldi Mamoći a u Prištini Nazmiju Gašiju, Arijani Kasapoli, Skenderu Taćiju i Ljotremu Ajetiju koji su se potrudili da svim učesnicima pruže maksimalnu pažnju i profesionalan odnos, kao i uposlenima u hotelima Princ u Skadru i Emerald u Prištini gdje smo bili smješteni.
Ovo prvo putovanje KUD-a „Bihor“ u Albaniju i na Kosovo pokazalo je ne samo njihovu umjetničku zrelost i talenat, već i spremnost da kroz kulturu i druženje grade mostove prijateljstva i razumijevanja.
