Večeras je na adresu Radija Petnjica stigao jedan od najneobičnijih oglasa od kada se bavim novinarstvom, a to je bezmalo skoro 30 godina.
Naime, Feho Adrović iz Donje Vrbice zamolio nas je da objavimo oglas da mu je juče nestala mala krava mrke boje, te da je od sinoć traži cijela porodica ali bezuspješno.
“Jedna krava mi se pustila i pobjegla negdje još sinoć. Nema joj ni traga ni glasa. To je mala krava, pa ako bi mogli na radiju da objavite oglas da je tražimo. Ako je neko vidi neka javi na broj telefona 069 568 529. Šta ćeš, muka me je natjerala i ovako da pokušam”, piše Feho Adrović iz Donje Vrbice.
Nijesmo provjerili autentičnost, ali smo ipak odlučili da objavimo ovaj oglas neobične sadržine.
SAMIR RASTODER
