Petnjičani deklasirali Fair play rezultatom 5:1, sudija pokvario utakmicu

Fudbaleri FK Petnjica su u četvrtom kolu Sjeverne regije deklasirali bjelopoljski Fair play rezultatom 5:1. Utakmica u Bijelom Polju je protekla u relativno korektnoj atmosferi ali je sudisjski trio u sastavu, Martin Minić, Balša Femić i Ivan Lješnjak odlučio da gostima dodijeli dva crvena kartona a domaćinu tri žuta. Crvene kartone dobili su Dino i Emil Adrović kod gostiju a Nikola Kuč, Asmir Pućurica i Mirza Ećo su dobili žute kartone.

Utisak je da je sudija Martin Minić bez posebnog razloga, dodijelio crveni karton Emilu Adroviću u 62. minutu i na taj način učinio ostatak meča manje fudbalskim.

Petnjica je još na poluvremenu riješila pitanje pobjednika golovima Admira Šabotića u 10. i Emila Adrovića u 27 minutu.

Udrugom poluvremenu ista slika i još četiri gola. Prvo je Eldin Ćorović u 48 minutu povećao vođstvo petnjičana na 3:0 a onda Edis Zverotić na 4:0 u 56. minutu. Doamćini su u 62. minutu iz penala smanjili na 4:1golom Samira Fetića, da bi u sudijskoj nadoknadi rezultat zaključio Eldin Ćorović.