JOŠ JEDNA DONACIJA BRAĆE HALILOVIĆ ZA POMOĆ POPOVIĆU

2
1332

Svakodnevna borba sa teškom bolešću mladog Popovića i njegovom borbom za život i neiscrpnom energijom nije ostavila ravnodušnim mnoge mještane. Među prvima koji su željeli da pomognu su braća Halilović koji su donirali 1200 eura za terapiju.

Na poziv i inicijativu Envera Rastodera, Bajramke Adrović i Rahmana Kočana ovi humani ljudi su i ovaj put izašli u susret i podržali.
“I pored toga što smo prilikom prve donacije apelovali na druge da se priključe i pomognu ovom mladom momku da se izbori sa teškom bolešću, shvativši da nema drugih donatora, braća Halilović su prihvatili da još ovaj put podrže i plate ovu skupocjenu terapiju. U ime braće Halilović kao i u svoje ime i mojih drugara u ovoj akciji molimo građane kako u zemlji tako i u dijaspori da pokušaju naći načina i pomoći ovoj porodici. Porodici želimo snagu i sve što je potrebno da izdrže u borbi sa opakom bolešću. Braći Halilović želim u ime ove ekipe svu sreću, blagostanje i da im Bog podari još veći imetak za sva svoja dobra djela koja čine ljudima. Ovo je samo jedna u nizu akcija koju ovi mladi ljudi podržavaju i pružaju ruku podrške. Još jednom veliko hvala braći Halilović, a mladom Popoviću želimo brz oporavak”, rekao je Enver Rastoder.
ALMINA ŠABOTIĆ

2 COMMENTS

LEAVE A REPLY