UČENICI POSJETILI CENTAR ZA KULTURU PETNJICA

0
436
Učenici u posjeti Centru za kulturu

U okviru nastavnog plana i programa danas su osnovci sa područja opštine Petnjica, posjetili Centar za kulturu u Petnjici gdje ih je dočekao direktor Sinan Tiganj i upoznao učenike sa aktivnostima ove kulturne ustanove.

Učenici razredne nastave su imali priliku da posjete novootvorenu muzejsku jedinicu i upoznaju se sa eksponatima koji su pronađeni u Radmanskoj klisuri, kao i sa bošnjačkom i crnogorskom narodnom nošnjom koja je takođe izložena u muzeju i mnoge druge muzejske eksponate.

Osim toga, direktor Tiganj ih je proveo i kroz bibilioteku.

Za Enisa Kožara, učenika petog razreda OŠ Mahmut Adrović, danas je bio prvi put da posjeti biblioteku u prostorijama Centra za kulturu, a na njega su poseban utisak ostavili izloženi eksponati iz vremena prije nove ere. Devetogodišnja učenica iste škole, Elena Šabotić je odličan učenik i takođe je oduševljena sa, kako ona kaže “stvarima iz davnina koje su pronađene u našoj pećini”, i dodala da će da dolazi u biblioteku da uzima knjige na čitanje.

 

DENIS BOŽOVIĆ

NO COMMENTS

LEAVE A REPLY