FOTO I VIDEO: BIHORAC ALDIN MEHOVIĆ PRVI NA DRŽAVNOM PRVENSTVU NJEMAČKE

0
172

Aldin Mehović je na državnom prvenstvu Njemačke, koje je održano u gradu Stadthagen, osvojio prvo mjesto u kik boksu. Ovaj šesnaestogodišnji Bihorac u kategoriji do 82 kg, je bio dominantan i tako se okitio zlatnom medaljom.

Aldin je sa Ponora, rođen u Crnoj Gori, sa svojim roditeljima oko četri godine živi u Njemačkoj gdje vrijedno trenira. Broj osvojenih turnira i odličja koje se nalaze u njegovom vlasništvu, navelo je njegovog menadžera Mehmeda Meša Adrovića da njega ubaci u budući, kako kaže – Bihorski drim tim.

“Ovo je još jedan mladi Bihorac za koje sam pokazao interesovanje u menadžerskom smislu. Već duži period se nosim sa idejom, a i na njoj intezivno radim, da okupim i napravim jaku ekipu od mladih Bihoraca koji žive i treniraju van Crne Gore. Cilj jedne takve ekipe bio bi da nastupamo širom svijeta na jakim turnirima i naravno, osvajamo medalje. Ako kažem da Aldin na svim svojim mečevima izlazi sa državnom zastavom Crne Gore na ramenima, pa i na ovom poslednjem meču gdje se okitio zlatnom medaljom, uz predan i naporan rad, dovoljno govori koliko bi takva ekipa učinila ponosnim nas, Bihorce kao i državu Crnu Goru”, istakao je Mehmed Meša Adrović, koji je menadžer nekoliko mladih Bihoraca.

DENIS BOŽOVIĆ

NO COMMENTS

LEAVE A REPLY